Чорабинӣ ба ифтихори Рӯзи байналмилалии кӯдакон

          Бо мақсади амалӣ намудани  сиёсати  давлатии таъмини ҳифзи ҳуқуқу  манфиатҳои кӯдакон ва ҷалби  аҳли ҷамоатчигии ноҳия ба масъалаҳои марбут ба ноболиғон санаи 1-уми июни соли  ҷорӣ  чорабинии фарҳанги сиёсӣ дар боғи фарҳангӣ фароғатии  ноҳияи Шаҳритуз,  бо як шукуҳу шаҳомати хоса таҷлил гардид.

          Дар назди ҳозирин раиси ноҳия Р.Оймаҳмадзода баромад карда,  ҳамаи иштирокчиён бахусус кӯдакони ноҳияро бо Рӯзи байналмилалии муҳофизати кӯдакон самимона шодбош гуфта, барояшон осмони софу иқболи баланд ва зиндагии беҳтаринро орзу намуда, таъкид намуд, кӯдакон ояндаи ҷомеаву давлату миллатанду тарбияву ба камол расонидани онҳо барои волидон, мураббиёну устодон ва аҳли ҷомеа қарзу вазифаи  муқаддас ба ҳисоб меравад.

          Бахшида ба  чорабинии  зикргардида намоиши ҳунарҳои  мардумӣ, ихтирооти  ҳунармандони ҷавон ба нақша гирифта, ҷиҳати  ба ҳаёти солим ҷалб намудани кӯдакон ва дарёфти истеъдодҳои наврас, бахшида ба Рӯзи байналмилалии муҳофизати кӯдакон  1июн аз 24 май то 31 майи соли равон озмунҳои “Рассоми беҳтарин”, “Дастони моҳир” ва “Ихтироъкори  беҳтарин” эълон гардида буд. Дар натиҷа  ғолиби ҷои аввал  муассисаи томактабии  №1,ҷои дуввум муассисаи томактабии  №5 ва ҷои севвум муассисаи томактабии  №3 гардиданд.  Ба  ғолибони  ҷои аввали озмунҳои зикргардида 250 сомонӣ, ба гирандагони ҷойҳои  дуюм ва сеюм Ифтихорнома ва туҳфаҳои пулии шуъбаи маорифи ноҳия ба маблағи 150 сомонӣ  тақдим гардид.

       Инчунин ғолибони   синфҳои ибтидоии иддае аз муассисаҳои таълимии ноҳия низ бо Ифтихорнома ва  туҳфаҳои идонаи шуъбаи маорифи ноҳия сарафроз гардонида шуданд.

       Дар фароварди чорабинии идона ҳунармандони бахши фарҳанги ноҳия Барномаи консертии омодакардаашонро пешкаши ҳамагон намуданд.