Таъмир ва мумфаршкунонӣ дар деҳаи Обшорон

            Имрӯзҳо дар доираи омодагиҳо ба ҷашни 30 –солагии Истиқлолияти Ҷумҳурии Тоҷикистон  дар ҷамоати деҳоти Обшорон чун дар  марказ ва гӯшаю канорҳои ноҳия  корҳои ободонию бунёдкорӣ  бо маром идома дорад.

           Ҳафтаи гузашта   бо иқдоми масъулону роҳбарияти ҷамоати мазкур Л.Холова, А.Қувватов, Ғ.Ноибов, раиси маҳалла С.Мамадҷонова, вакили маҳаллӣ А.Шарипов, омӯзгор Қ.Бобоназаров   ва дастгирии фаъолонаи сокинони  деҳаи Обшорон   аз ҳисоби  маблағи ҷамъовардаи сокинони деҳаи Обшорон 10 тонна мум ё худ асфалти сард  харидорӣ шуда, аз ҷониби  масъулину кормандони Муассисаи давлатии нигоҳдории роҳҳои ноҳияи .Шаҳритуз  дар деҳаи мазкур беш аз як километр роҳ таъмиру мумфарш карда шуд.

            Роҳбарону масъулони ҷамоати номбурда тасмим гирифтаанд, ки бо дастгирии аҳли деҳот боз 10 тона мум ё худ асфалти сард  харидорӣ карда, дар ҳафтаи оянда дар деҳаи Бинокор низ беш аз як километр роҳи ин деҳаро таъмиру мумфарш намоянд.

А. Фаттоҳ