Таҷлили Рӯзи дониш дар ноҳия

              Имрӯз  дар саросари ҷумҳурӣ  Рӯзи дониш ботантана қайд гардид. Дар 54 муассисаи таълимии ноҳияи Шаҳритуз низ Рӯзи дониш  дар сатҳи баланд  ва бо иштироки фаъолонаи омӯзгорону хонандагон, волидон, аҳли ҷомеа, намояндагони мақомоти иҷроияи ҳокимияти давлатии ноҳия баргузор гардид.

            Масъулон бо хонандагону омӯзгорони  муассисаҳои таълимии ноҳия Паёми Асосгузори сулҳу ваҳдати миллӣ –Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро бахшида ба Рӯзи дониш ва Дарси сулҳ тариқи оинаи нилгун тамошо карданд.

           Пас аз анҷоми Паёми Президенти Ҷумҳурии Тоҷикистон муҳтарам Эмомалӣ Раҳмон намояндагони мақомоти иҷроияи ҳокимияти давлатии ноҳия бо хонандагону омӯзгорон ва волидони онҳо вохӯрда, аз номи Раиси ноҳия онҳоро ба Рӯзи дониш ва Дарси сулҳ самимона табрику шодбош гуфта, дар соли нави таҳсил барояшон барору комёбиҳои беназир орзу намуданд.  Дар ҳар як ҷамъомад изҳори боварӣ карда шуд, ки муаллимону шогирдон ва аҳли ҷомеам ноҳия  дастуру супоришҳои дар Паёми Пешвои миллат рӯзи 1 сентябр ироа гардидаро дар фаъолияту таҳсили имсолаашон сармашқи  кори хеш қарор дода, соли таҳсили 2018-2019-ро бо дастовардҳои арзишманд  натиҷагирӣ мекунанд.