Маркази саломатии навбунёд дар хизмати аҳолӣ

                Дар арафаи ҷашни 27-солагии Истиқлолияти давлатии Ҷумҳурии Тоҷикистон  аҳолии деҳаи «Корез»-и ҷамоати деҳоти Пахтаобод  соҳиби туҳфаи  хуб гардиданд. Дар деҳаи мазкур  бо иқдому маблағгузории Сафорати ИМА дар Ҷумҳурии Тоҷикистон  ва мусоидати мақомоти иҷроияи ҳокимияти давлатии ноҳияи Шаҳритуз  дар давоми 6 моҳ  бинои хуштарҳу замонавии Маркази саломатии деҳот сохта ба истифода дода шуд. Бинои мазкур аз 7 ҳуҷраи  бо  низоми гармидиҳӣ , таҷҳизоти хизматрасонии тиббӣ,    шустушӯи зарфҳою либосҳо, ташноб  иборат мебошад .  Инчунин атрофи  ин бинои хушсохт ободу маъмур гардида, бо гулу гиёҳҳо ороиш дода шудааст. Барои  сохтмони муассисаи номбурда 30 ҳазор доллар ё худ 3 миллион сомонӣ масраф гардидааст.

              Дар маросими ифтитоҳи бинои мазкур раиси  ноҳия Р.Оймаҳмадзода, менеҷери КАТС-и ноҳия Ф.Муҳаммадиев ва кормандони соҳаи тиб, роҳбарони ҷамоати деҳоти  Пахтаобод ва фаъолони деҳаи «Корез» ширкат варзиданд. Раиси ноҳия зимни баромадаш ҳозиринро бо фарорасии ҷашни 27-солагии Истиқлолияти давлатии Ҷумҳурии Тоҷикистон  ва  ба истифода додани  бинои нави Маркази саломатии деҳаи мазкур табрику таҳният гуфта, ба сохтмончиён ва саҳмгузорони он аз номи мақомоти иҷроияи ҳокимияти давлатии ноҳияи Шаҳритуз   самимона изҳори сипос намуд.

              Сипас раиси  ноҳия Р.Оймаҳмадзода, менеҷери КАТС-и ноҳия Ф.Муҳаммадиев дар вазъияти ботантана бо буридани лентаи рамзӣ   ба фаъолияти Маркази саломатии навбунёд  оғоз бахшиданд. Қобили қайд аст, дар ин даргоҳ ҳама шароитҳо муҳайё буда, 15 нафар командони тиббиву техникӣ бо ҷойи кори доимӣ таъмин гардидаанд.

Б.Матин, Х.Пӯлодпур