Озмуни «Андалеб 2018»

              Дар асоси  нақшаи чорабиниҳои мақомоти иҷроияи ҳокимияти давлатии ноҳияи Шаҳритуз  санаи 8 ноябри соли ҷорӣ  Фестивал-озмуни  эҷодиёти халқ «Андалеб-2018»  бо иштироки Муҳаммадҷон  Ризоев директори  фестивалозмуни ҷумҳуриявии  телевизионии эҷодиёти халқ «Андалеб 2018»,  Ҳасанова Барно рузноманигори   Раёсати телевизион ва радиои  вилояти Хатлон, муовини раиси ноҳия Меҳринисо Раҷабзода, мудирони  шуъба ва бахшҳои мақомоти иҷроияи ҳокимияти давлатии ноҳия,  роҳбарони ташкилоту муассисаҳо ва  фаъолони  ноҳия бо як шукуҳу шаҳомати хосса баргузор гардид.

             Чорабинӣ аз намоиши ҳунарҳои мардумӣ аз ҷониби  ҳунармандони ҷамоатҳои шаҳраку деҳот, муассисаҳои таҳсилоти  миёнаи умумӣ,   муассисаҳои томактабӣ, литсейи касбӣ техникӣ  аз қабили оҳангарӣ, чуянгарӣ, кулолгарӣ,  ресандагӣ, атласбофӣ,  дуредгарӣ, дузандагӣ, бофандагӣ,  кашидадузӣ, қуроқдузӣ,  танурсозӣ ва ғайра  оғоз гардид.

           Барномаи ҳунарӣ-фарҳангӣ аз 12 рақам  аз қабили хори кудакона, намоиши сару либоси миллии занона,  навозиши умумӣ, хониши бадеӣ,  рақси якка, суруруди якка,  навозиши якка, бадеҳахонӣ, фалак, саҳнача,  сартарошон, узбекӣ ва суетаи овозию рақсӣ ва саҳначаи ҳаҷвӣ иборат буд.

         Қобили зикр аст ки  ноҳияи Шаҳритуз  бо гирифтани 153,5 хол дар сатҳи вилоят ҷои дуюмро ишғол намуда,   ба даври ниҳоии  «Андалеб 2018»-и   роҳхат гирифт.  

"Субҳи Шаҳритуз"