Татбиқи Барнома оиди рушди футбол

         Директори муассисаи давлатии мактаби варзишии ноҳия Ҷамшед Ғуломов  дар моҳи декабри соли ҷорӣ зимни баромадаш дар яке аз ҷаласаҳои  назоратии  назди раиси ноҳия оид ба рафти қарори раиси ноҳия аз 17 октябри соли 2017, №633 «Дар бораи Барномаи рушди футбол дар вилояти Хатлон  барои солҳои 2017-2021 дар ноҳияи Шаҳритуз» ҳисобот ироа кард.  Раиси ноҳия дар навбати худ фаъолияти муассисаи давлатии мактаби варзишии ноҳияро қаноатбахш ҳисобида, ҳамзамон аз роҳбари номбурда  оиди қисман иҷро гардидани баъзе бандҳои Барномаи мазкур эроди ҷиддӣ гирифт. Раиси ноҳия дар қатори Ҷ.Ғуломов  инчунин  аз масъулини мақомоти иҷроияи ҳокимияти давлатии ноҳия, раисони ҷамоатҳои шаҳраку деҳоти ноҳия тақозо намуд, ки  баҳри дар оянда ташкил намудани дастаи футбол, ба низому тартиб даровардани  майдонҳои футболбозӣ дар ҷамоатҳо ва дуруст татбиқ намудани бандҳои Барнома тадбирҳои зарурӣ андешанд.

«Субҳи Шаҳритуз»