Аз шаҳри Ваҳдат бо 17 медал

       Ба наздикӣ дар шаҳри Ваҳдат мусобиқаи кушод аз   намуди     каратэ-кушинкай байни кӯдакону наврасони синни 6-17 сола баргузор гардид, ки дар чорабинии мазкур аз шаҳрҳои Душанбею Ваҳдат, Роғун ва ноҳияи Шаҳритуз беш аз 200 нафар варзишгарон ширкат варзиданд.

       Қобили зикр аст, 20 нафар аъзои дастаи ноҳияи Шаҳритуз таҳти сарпарастии мураббии варзидаи варзиш аз намуди каратэ-кушинкай, номзад ба камарбанди сиёҳ Пайрави Шаҳкор дар мусобиқаи мазкур фаъолона ширкат варзида, дар ҷамъбаст ҷойи дуюмро ишғои намуданд. Дар ин чорабинӣ 6 нафар аъзои дастаи ноҳияи Шаҳритуз  аз қабили Абдулло Бобоҷонов, Парвиз Ҳакимов, Муҳаммадҷон Назиров, Мақсуда Ғуломҳусайнов, Руфина Исламов, Озодбек Залиев сазовори ҷойи якум, 3 нафар-Ҷасур Ҳакимов, Ҳасан Олимов, Файзиддин Шарипов соҳиби ҷойҳои дуюм, 8 нафар-Эмомалӣ Раҳмон, Фаришта Норматова, Давлатманди Боймурод, Ҳумаиддин Ҳамдамов, Бобоҷон Олимов, Комрон Баротзода, Зоҳир Алматов, Муҳаммадзода Раҳматшозода  ҷойҳои сеюмро ишғол намуда, аз тарафи бахши ҷавонон ва варзиши шаҳри Ваҳдат бо Диплом ва медалҳо сарфароз гардиданд.

«Субҳи Шаҳритуз»