Шиносоӣ бо омодагии техника ба кишти баҳорӣ

          15 феврали соли ҷорӣ  гуруҳи кории мақомоти иҷроияи ҳокимияти давлатии вилояти Хатлон тибқи қарори раиси вилояти Хатлон «Дар бораи таъмир ва тайёрии техникаҳо  ва мошинолотҳои кишоварзӣ ба кишти баҳории зироатҳои кишоварзӣ дар вилояти Хатлон дар соли 2019» таҳти  роҳбарии сардори шуъбаи Бозрасии назорати давлатии техникаи кишоварзии вилоти Хатлон Аюб Баҳодуров ба ноҳия ташриф оварда, дар якҷоягӣ бо раиси ноҳия Р.Оймаҳмадзода, муовини аввали раиси ноҳия Д.Нишонзода ва дигар шахсони масъули ноҳия бо вазъи соҳаи кишоварзӣ, тайёрии техника ва омодагии кишоварзон  ба мавсими кишту кори баҳорӣ  дар хоҷагиҳои ҳамаи 5 ҷамоати  деҳоти ноҳия аз наздик шинос шуданд.  Аз шиносоӣ  бо техникаи дар хати тайёр гузоштаи хоҷагиҳо маълум гардид, ки аз 591техникаи хоҷагии қишлоқи дар ноҳия мавҷуд буда, аксари  онҳо дар ҳолати омодагӣ ба кор қарор дорад. Аз он ҷумла 195 адад трактори байниқаторӣ, 370 адад нақлиётӣ, 50 адад тухмипошак ба кишту кори баҳорӣ омода мебошад. Зимни суҳбат бо  «Субҳи Шаҳритуз» муҳандис-назоратчии БНДТК-и ноҳияи Шаҳритуз З.Мирзомуродов иброз дошт, ки   кишоварзони ноҳия  мақсад доранд, дар соли ҷорӣ бо истифодаи техникаи мавҷуда  дар майдони 5250 га кишти пунбадонаро дар муҳлати муқаррар гардида бо сифати баланд анҷом диҳанд

     Ҳангоми натиҷагирӣ меҳмонон  дар баробари қайди муваффақиятҳо камбудию норасоиҳоро ҳам мавриди таҳлилу баррасӣ қарор дода, барои ислоҳи камбудиҳои ҷой дошта дастуру маслиҳатҳои мушаххас ироа карданд.

«Субҳи Шаҳритуз»