Нишасти матбуотӣ

Рӯзи 16 –уми феврал дар толори маҷлисгоҳи  мақомоти иҷроияи ҳокимияти давлатии ноҳияи Шаҳритуз  нишасти матбуотии кормандони Васоити ахбори оммаи ҷумҳурӣ бо раиси ноҳия  Р.Оймаҳмадзода  баргузор гардид.

          Нахуст раиси ноҳия ташрифи рӯзноманигоронро ба ноҳияи бостонии Шаҳритуз хайра мақдам гуфт. Азбаски рӯзноманигорон дар оғози нишаст  бо  Ҳисоботи хаттии  “Оиди натиҷаҳои рушди   иқтисодӣ ва иҷтимоии ноҳияи Шаҳритуз  дар  соли 2018 ва вазифаҳо дар  соли 2019”  таъмин гардиданд,чорабинии мазкур аз ибтидо то анҷом бо саволу ҷавоб сипарӣ шуд.

      Дар рафти нишасти матбуотӣ  аз ҷониби рӯзноманигорон –намояндагони рӯзномаҳои вилоятиву ҷумҳуриявӣ ва шабакаҳои телевизионию радиоии мамлакат оиди масъалаҳои сиёсӣ, иҷтимоӣ, иқтисодӣ, фарҳангӣ, маориф ва проблемаю камбудиҳоии дар соҳаҳои мазкур ҷойдошта, инчунин рафти омодагии ноҳия  ба таҷлили ҷашни 30-солагии Истиқлолияти давлатии Ҷумҳурии Тоҷикистон саволу дархостҳо пешниҳод карда шуд. Раиси ноҳия ба саволҳо посухҳои мушаххас ироа карданд.

      Дар интиҳо  сармутахассиси шуъбаи иттилооти мақомоти иҷроияи ҳокимияти давлатии вилояти Хатлон  нишасти матбуотиро ҳусни анҷом бахшида, ба роҳбарияти ноҳия барои ташкилу дар сатҳи зарурӣ баргузор кардани чорабинии мазкур изҳори сипос намуда, ба ҳамагон барору комёбиҳо орзу кард.