Озмун: “Тоҷикистон Ватани азизи ман”

          Тавре ки иттилоъ дорем имрузҳо дар сар то сари  Ҷумҳурии Тоҷикистон  ҷихати дар сатҳи баланд  пешвоз гирифтани  30-солагии Истиқлолияти  давлатии Ҷумҳурии Тоҷикистон озмуни ҷумҳуриявии  “Тоҷикистон Ватани азизи ман” баргузор гардида истодааст.

         Дар ин росто санаи 8-уми апрели соли ҷорӣ дар  Қасри фарҳанги ноҳияи Шаҳритуз  низ озмуни ҷумҳуриявии  “Тоҷикистон Ватани азизи ман”   бо мақсади  дарёфти  истеъдодҳои  нави соҳаи санъат, баланд бардоштани  мақому маҳорати  касбӣ, тақвият бахшидан ба қобилияти баланди ҳунари эҷодӣ мусиқии нав, инчунин таълифи ашъори баландғояи ватандустона, дарёфти беҳтарин намунаҳои оҳанг ва сурудҳои тараннумгари дастоварҳои  замони Истиқлолияти давлатӣ, саҳми Президенти Ҷумҳурии Тоҷикистон  муҳтарам Эмомалӣ Раҳмон дар эъмори давлатдории навини тоҷикон ва тарғибу ташвиқи анъанаҳои арзишманди  миллию мероси пурғановати ниёгон гузаронида шуд.

       Озмун  аз руи 5 номгу  баргузор гардида, аз шаш ҷамоати шаҳраку деҳоти ноҳия  38 нафар довталабон ширкат варзида, 11 нафар  ба  даври вилоятии озмун роҳхат гирифта, 6 нафари дигар бо  ифтихорномаҳои  аъзои ҳакамон  сарфароз гардонида шуданд.  

         Ёдовар мешавем, ки  даври дуввуми озмун моҳҳои июн-июли соли 2019 дар  маркази вилояи Хатлон шаҳри Бохтар баргузор мегардад.

“Субҳи Шаҳритуз”