Поси хотир

              Санаи 8 май  бо ибтикори мақомоти иҷроияи ҳокимияти давлатии ноҳия ва иштироки масъулони ноҳия, қишрҳои гуногуни ҷомеа, намояндагони Шӯрои собиқадорони ҷангу меҳнати ноҳия, мақомоти ҳифзи ҳуқуқ,ҷавонон дар  боғи фарҳангии деҳаи Обшорони ҷамоати деҳоти Обшорон, боғи фарҳангию фароғатии маркази ноҳия, кӯчаи Исмоили Сомонии шаҳраки Шаҳритуз дар назди муҷассасмаҳои ёдгории Сарбози номаълум, муҷассамаи Модар ва лавҳаи ёдгории Қаҳрамони Иттифоқи Советӣ   Бояркин Василий Илларионович гулдастаҳо гузоштанд. Раиси Шӯрои собиқадорони ҷангу меҳнати ноҳия Н.Ғуломҳайдаров зимни суханрониаш аз корнамоию қаҳрамонии фарзандони далеру ҷасури ноҳия дар Ҷанги Бузурги Ватании солҳои 1941-1945бо камоли эҳиром ёдовар шуда, хотирави онҳоро ба некӣ ёд кард ва изҳори боварӣ намуд, ки ҷавонон эстафетаи падарону бобоёни шуҳратёрашонро идома бахшида, барои ободии ватан ва ҳифзу ҳимояи марзу буми кишвари хеш содиқона хизмат менамоянд.