Таҷлили Рӯзи Ғалаба

         Рӯзи 8 май соти 10 дар  Қасри фарҳанги ноҳия бо иштироки роҳбарияти ноҳия, роҳбарони ташкилоту муассисаҳо, директорони муассисаҳои таълимӣ,собиқадорони ҷангу меҳнати ноҳия,табибон, омӯзгорон,ҷавонон ва дигар қишрҳои ҷомеаи ноҳия   бахшида ба таҷлили 74-солагии Рӯзи Ғалабаи халқи Шӯравӣ дар Ҷанги Бузурги Ватании солҳои 1941-1945 ҷамъомади ботантана баргузор гардид. Муовини раиси ноҳия М.Раҷабзода Паёми табрикии  раиси  нохияи   Шаҳритуз Оймаҳмадзода Рамазон Алихон  ба муносибати 74-солагии  Рӯзи ғалаба дар Ҷанги Бузурги Ватании солҳои 1941-1945-ро қироат намуда, ҳозирин ва дар шахси онҳо кулли шаҳрвандони ноҳияро бо таҷлили ҷашну бузурги таърихии Рӯзи Ғалаба самимона табрику таҳният гуфт.

           Сипас ҳунармандони Қасри фарҳанги ноҳия бо барномаи рангини  консертӣ ва саҳначаҳои ҷолиб табъу хотири иштирокчиёни ҳамоишро болида гардониданд.