Коргоҳи нав

       Дирӯз дар деҳаи   «Бинокор»-и ҷамоати деҳоти Обшорон  бо иштироки сафири Ҷопон дар Ҷумҳурии Тоҷикистон ҷаноби  Ҳаҷиме Китаока, муовини   намояндаи Барномаи рушди СММ дар назди Ҷумҳурии Тоҷикистон хонума Сания Боянич, намояндаи Агентии   Ҷопон ҶАЙКА(LIСА)   оид ба ҳамкориҳои байналмилалӣ хонума Нишикава Наоко, муовини раиси вилояти Хатлон Раҷабалӣ Раҷабзода ва раиси ноҳияи Шаҳритуз Рамазон Оймаҳмадзода коргоҳи хурди муосири шолипоккунак ба фаъолият шуруъ кард. Корхонаи мазкур дар доираи Лоиҳаи баланд бардоштани сатҳи некӯаҳволӣ дар минтақаҳои наздисарҳадии Тоҷикистону Афғонистон (LITAСА)   аз ҷониби Барномаи рушди СММ бо кумаки молиявии Ҳукумати Ҷопон мавриди баҳрабардорӣ қарор дода  шуд.

        Акнун бо оғози фаъолияти корхона ду нафар бо ҷои кори доимӣ таъмин гардида, бо истифодаи технологияи муосир шолиро дар сатҳи зарурӣ коркард намуда,  биринҷи аълосифатро дар ҳаҷми  3, 5, 7-килоӣ ва бештар аз он дар халтачаҳои полиэтиленӣ ҷо намуда, пешкаши мизоҷон менамоянд.