Шиносоӣ ва дастуру маслиҳати гуруҳи кории вилоятӣ

       Рӯзи 31 май  гуруҳи кории мақомоти иҷроияи ҳокимияти давлатии вилояти Хатлон таҳти роҳбарии муовини раиси  вилояти Хатлон Умедхоҷа Зоҳирзода, инчунин  муовинҳои сардори сарраёсати  кишоварзии вилояти Хатлон  А.Иброҳимиён, Ҳ.Раҳимов, сардори идораи ҳифзи муҳити зисти вилояти Хатлон Ш.Раҳимзода, сардори  раёсати бехатарии  назди Ҳукумати Тоҷикистон  дар вилояти Хатлон  М.Ҳасанзода, муовини раиси идораи Кумитаи замини вилояти Хатлон А.Хоҷазода, сардори Бозрасии назорати техникии кишоварзии  вилояти Хатлон А.Баҳодуров, раиси иттифоқи касабаи коркунони иттиҳодияи агросаноатии вилояти Хатлон А.Қиличев, сардори идораи хушзоткунӣ ва бордоркунии сунъӣ дар вилояти Хатлон  Н.Розиқов тибқи супориши раиси вилояти Хатлон оиди шиносоӣ ба рафти корҳои  соҳаи кишоварзӣ, ободонӣ, захираи хӯроки чорво, кишти такрорӣ ва омодагӣ ба зимистонгузаронӣ  ба ноҳия ташриф оварданд.

      Ҳайати гуруҳи кории мазкур аз ҳамаи ҷамоатҳои шаҳраку деҳот дидан намуда,  баъдан дар толори Қасри фарҳанги ҷамоати деҳоти ба номи Т.Садриддинов  бо иштироки раисони ҷамоатҳои шаҳраку деҳот, роҳбарони хоҷагиҳои деҳқонӣ, раисони маҳаллаҳо, роҳбарони ташкилоту муассисаҳо ва дигар шахсони масъул  сафари кориашонро натиҷагирӣ намуданд. Дар ҷамъомад дар баробари зикри муваффақиятҳо, камбудию норасоиҳои  ошкор гардидаю мавриди таҳлилу баррасӣ қарор дода шуда, барои ислоҳу бартараф кардани онҳо аз ҷониби ҳайати гуруҳи корӣ дастуру супоришҳои мушаххас ироа гардид.

         Дар  охир  раиси ноҳия Р.Оймаҳмадзода  ба меҳмонон барои   ташрифи корӣ  ва дастуру маслиҳатҳои беғаразонаашон  изҳори  сипос  намуда,  ваъда дод, ки масъулин ва аҳли заҳмати ноҳия  ҷидду ҷаҳд менамоянд,  дар кутоҳтарин фурсат  камбудиҳои ҷойдаштаро  бартараф намуда,  дар  самти кишовазӣ ва ободонӣ  ба пешравиҳои чашмрас ноил мешаванд.