САДА эҳёгари фарҳанги миллии Тоҷикон

           Имруз боиси ифтихору  сарфарозист, ки баъди  расидан ба истиқлолият  ва озодӣ  дар кишвари маҳбубамон  як  қатор  суннатҳо  ва ҷашнҳои миллӣ  эҳё гардиданд, ки  онҳо  садсолаҳо  аз назари халқ дур  буданд, таҷлили баъзеашон манъ гардида буд ва қисми  дигарашон  ба гӯшаи  фаромушӣ рафта, танҳо дар хотираи  таърихиву фарҳангии   халқамон  боқӣ монда будаасту халос.

           Бо шарофати  истиқлолят ва ба сифати  Президенти  Ҷумҳурии Тоҷикистон  интихоб гардидани  шахсияти ватанхоҳу  ватандуст ва худогоҳу худшинос  муҳтарам  Эмомалӣ Раҳмон масъалаи  ҳуввияти миллӣ  ва эҳё  гардидани  таърихи куҳан, инчунин муроҷиат   ба осори  пешин  ва зинда намудани  чеҳарҳои  таърихиву  фарҳангии   гузаштаи  халқи тоҷик  ба осори  пешин ва  зинда намуда   чеҳраҳои  таърихиву фарҳанги  гузаштаи халқи тоҷик  ба ҷои  аввал баромад.

         Дар ин росто   санаи 19  январи соли  2020   дар ноҳияи Шаҳритуз Ҷашни Сада бо  иштироки  раис иноҳия муҳтарам Ҷаббори Ғаффор, муовини раиси ноҳия Меҳринисо Раҷабзода, сардорони мақомотҳои қудратӣ,  мудирони шӯъба ва бахшҳои мақомоти иҷроияи ҳокимияти давлатии ноҳия инчунин   роҳбарони ташкилоту муассисаҳои  ноҳия  ширкат варзиданд.

         Чорабиниро сараввал мувофиқи урфу одати ниёгонамон аз фурузон намудани гулхани бузурги оташ  ва давр задан гирди он бо садои  карнай ва сурнай  оғоз намуданд. Аз тарафи  кишоварзони ноҳия ярмаркаи маҳсулоти кишоварзӣ,  аз қабили зироатҳои донагӣ, меваву сабзавот,  гулу лулбуттаҳо, дарахтони ороишӣ ва мевадор инчунин дигар намуди  дастранҷҳои  деҳқониро мавриди баҳрабардории шаҳрвандон қарор доданд.

         Барои зинда гардонидани ҳисси фарҳангдустиву  эҳёи истеъдодҳои сарояндагиву  навозандагӣ ва болидахотир  сохтани табъи иштирокчиёни  маърака бахши фарҳанги ноҳия,  бо иштироки  сароянда ва навозандаҳои мардумӣ барномаи  консериро  пешкаши ҳозирин гардониданд.  Зимни чорабинӣ  теъдоди зиёди аз соҳибкорон  бо маҳсулотҳои истеҳсоли ватанӣ ҷалб гардида буданд.

“Субҳи Шаҳритуз”