Таҳлил ва натиҷагирӣ

      Рўзи 12 феврал дар толори Қасри фарҳанги ноҳия бо иштироки муовини якуми раиси вилояти Хатлон Исмоилзода Абдуалим Абдулазиз  ва кормандони соҳаҳои саноату нақлиёт, энергетика, роҳ, иқтисод, иддае аз соҳибкорони ноҳияҳои Шаҳритузу Қубодиён ва Носири Хусрав  ҷамъомад баргузор гардид. Ҷаласаро бо сухани муқаддимавӣ иҷрокунандаи раиси ноҳияи Шаҳритуз Ҷаббори Ғаффор ифтитоҳ намуд.

      Сипас бо пешниҳоди муовини якуми раиси вилояти Хатлон А.Исмоилзода мудирони шуъбаю бахшҳои мақомоти иҷроияи ҳокимияти давлатии вилояти Хатлон аз натиҷаи санҷиши худ вобаста ба дастуру супоришҳои зимни Паём ироа намудаи Президенти Ҷумҳурии Тоҷикистон, супоришҳои раиси вилояти Хатлон вобаста ба рушди соҳаи саноат, ривоҷи соҳибкорӣ  ва ғайра дар ноҳияҳои болозикр бо ҳисоботи муфассал баромадад карданд.

      Зимни суханронӣ  масъулони вилоятӣ қайд намуданд, ки дар соҳаҳои мазкур баробари баъзе пешравиҳо  дар фаъолияти ташкилоти сохтмонии “Робита, ҶДММ-ҳои “Баҳроми Бекзод”, “Зебо”, “Ташрифҷон”корхонаи паррандапарварӣ ва ғайра камбудиҳо ҳам ҷой доранд. Масалан ташкилоти “Робита” аз ҳисоби истифодаи трансфарматори аҳолӣ фаъолият дошта, корхонаҳои  дўзандагии “Зебо”ва “Ҷилои рангҳо” аз пардохти маблағи нерўи барқ ва андоз қарздор мебошанд.

       Дар рафти ҷаласа Исмоилзода Абдуалим Абдулазиз  аз шахсони масъули ноҳияҳои Шаҳритузу Қубодиён пурсиш намуда, барои рафъи камбудиҳои мавҷуда дастуру супоришҳои мушаххас ироа кард.