Азназаргузаронии омодагии техника ба кишти баҳорӣ

      14 феврали соли ҷорӣ  гуруҳи кории мақомоти иҷроияи ҳокимияти давлатии вилояти Хатлон тибқи қарори раиси вилояти Хатлон «Дар бораи таъмир ва тайёрии техникаҳо  ва мошинолотҳои кишоварзӣ ба кишти баҳории зироатҳои кишоварзӣ дар вилояти Хатлон дар соли 2020» таҳти  роҳбарии сардори Сарраёсати кишоварзии вилояти Хатлон Амирбеки Темур, сардори шуъбаи Бозрасии назорати давлатии техникаи кишоварзии вилоти Хатлон Аюбхон  Баҳодуров ба ноҳия ташриф оварда, дар якҷоягӣ бо раиси ноҳия Ҷаббори Ғаффор ва дигар шахсони масъули ноҳия бо вазъи соҳаи кишоварзӣ, тайёрии техника ва омодагии кишоварзон  ба мавсими кишту кори баҳорӣ  дар хоҷагиҳои ҳамаи 5 ҷамоати  деҳоти ноҳия аз наздик шинос шуданд.

      Аз шиносоӣ  бо техникаи дар хати тайёр гузоштаи хоҷагиҳо маълум гардид, ки аз 591техникаи хоҷагии қишлоқи дар ноҳия мавҷуд буда, аксари  онҳо дар ҳолати омодагӣ ба кор қарор дорад. Аз он ҷумла то рўзи азназаргузаронӣ 140 адад трактори байниқаторӣ, 285 адад нақлиётӣ, 52 адад тухмипошак ба кишту кори баҳорӣ омода буд.. Зимни суҳбат бо  «Субҳи Шаҳритуз» муҳандис-назоратчии Бозрасии назорати давлатии техникаи кишоварзии  ноҳияи Шаҳритуз З.Мирзомуродов иброз дошт, ки   кишоварзони ноҳия мақсад доранд, дар соли ҷорӣ бо истифодаи техникаи мавҷуда  дар майдони 5344 га кишти пунбадонаро, ки нисбат ба соли гузашта 94 га зиёд мебошад, дар муҳлати муқаррар гардида ва  бо сифати баланд анҷом диҳанд

      Ҳангоми натиҷагирӣ гуруҳи кории мақомоти иҷроияи ҳокимияти давлатии вилояти Хатлон  дар баробари қайди муваффақиятҳо камбудию норасоиҳоро ҳам мавриди таҳлилу баррасӣ қарор дода, барои ислоҳи камбудиҳои ҷойдошта дастуру маслиҳатҳои мушаххас  ироа карданд.

 “Субҳи Шаҳритуз”