Безараргардонӣ бо мақсади пешгирӣ аз бемории «COVID-19»

       Имрўзҳо бо мусоидату роҳбарии мақомоти иҷроияи ҳокимияти давлатии ноҳияи Шаҳритуз  оиди пешгирии бемории корновирус (COVID-19) ДАР саросари ноҳия  корҳои фаҳмондадиҳӣ ва безараргардонӣ (дезенфексия) бо низоми муайян идома дорад. Дар ин бобат аз ҷониби Маркази назорати давлатии санитари  эпидемиологии ноҳия (роҳбараш У.Юсупов), шуъбаи дезенфексияи профилактикии ноҳия (директораш К.Нуридинзода), Маркази  мубориза бо бемориҳои тропикии ноҳияи Шаҳритуз  корҳои  муайян ба сомон расонида мешавад.

        Чунончи то 18 апрели соли ҷорӣ  таҳти роҳбарии  сартабиби МНДСЭ-и ноҳия Умар Юсупов ва мудири  шуъбаи дезенфексияи профилактикии ноҳия Камолиддин Нуридинзода  ва заҳмату кўшиши шабонарўзаи дорупошони шуъбаи мазкур Мустафо Ҳазратқулов ва Намоз Ниёзматов дар ноҳия 50 мағоза, 54 муассисаи таълимӣ, 7-то кўдакистон, 48 масҷид, 25 ошхона, 10 нуқтаи фурўши сўзишворӣ, боғи марказӣ якчанд муассисаҳои табобатию  корхонаҳо, 50  сартарошхонаю   дигар нуқтаҳои хизматрасонӣ , инчунин 300 хонаю ҳавлиҳои ашхоси камбизоату эҳтиёҷманди ноҳия дар масоҳати аз 6 ҳазор метри мураббаъ то 57 ҳазору 722,9 метри мураббаъ ба воситаи истифодаи гипохлориди калсий  безарар гардонида шуданд.

         Ҳамин тариқ, кормандони Маркази мубориза бо бемориҳои тропикии ноҳия таҳти роҳбарии сарвари ин муассиса Даврон Нажмиддинов рўзҳои  аз  4-ум то  18-уми апрели соли ҷорӣ дар манзилҳои сокинони деҳаҳои Айвоҷу Утанободи ҷамоати деҳоти ба номи Ҷ.Назаров бо истифодаи 58,1 кг маводи гипохлориди калсий масоҳати 37 ҳазору 744 метри мураббаъро безарар гардонида, бо 1690 нафар шаҳрвандон оиди пешгирии бемориҳои коронавирус (COVID-19)         мониторинг ё худ корҳои фаҳмондадиҳӣ гузарониданд.

          Қобили қайд аст, бо роҳбарии директори Маркази ташаккули тарзи ҳаёти солими ноҳия Тошмурод Ғуломов  низ  кормандони  ин муассиса дар маҳалҳо бо қишрҳои гуногуни ҷомеа вохўрда,  тавассути  суҳбату интишори варақаҳои гуногун,  чопи матлабҳои  зарурӣ дар рўзномаи ноҳиявӣ вобаста ба пешгирии   ин вабои аср корҳои тарғиботию ташвиқотиро пурзўр менамоянд.

“Субҳи Шаҳритуз