Сухтор дар Бозори марказии ноҳия

        Рузи 24 майи соли 2020 тақрибан соатҳои 17:05  дақиқа дар Бозори марказии ноҳияи Шаҳритуз сухтор ба амал омад. Таъҷилан аз ҷониби намояндагони бозори  марказӣ  ва шахсони алоҳида ба ШВКД дар ноҳияи Шаҳритуз ва Хадамоти Оташнишонии ноҳия хабар дода шуд. Баъди оҷилан ҳозир шудани ниҳодҳои болозикр   ва ба кор оғоз намудани онҳо бо супориши Раиси ноҳия  ситоди фавраии ноҳиявӣ таъсиси дода шуда ба масъулин вазифаҳои мушаххас дода шуд. Азбаски сухтор дар масоҳати ниҳоят калон сурат мегирифт таклиф шуд, ки мошинҳои сухторхомушкунии ноҳияҳои ҳамсоя даъват карда шаванд. Ҳамин тавр бо кумаку дастгирии ниҳодҳои сухторхомушкунии ноҳияҳои ҳамсоя имкон пайдо гардид, ки пеши роҳи алангаи оташ гирифта шуда, хонаҳои истиқоматии шаҳрвандон ва  идае аз идораҳои  давлатие, ки дар гирду атрофи бозори маркази ҷойгир буданд аз сухтор эмин нигоҳ дошта шуданд. Тахминан бар асари сухтори шадид дар бозори марказии ноҳия  70-80 фоизи иншоот ва 40-50 фоизи молу маҳсулотҳои соҳибкорони бозори мазкур ба коми оташ рафтанд.

       Дар айни замон бартарафкунии боқимондаҳои сухтор дар бозори маркази  аз ҷониби ниҳодҳои сухторхомушкунӣ идома дошта бозори марказӣ  таҳти  назорати мақомотҳои қудратӣ ва қисмҳои низомӣ қарор дорад .   

        Дар мувофиқа бо соҳибкорони маҳаллие, ки дар бозор фаъолият доштанд ситоди ноҳиявӣ тасмим гирифтааст, ки рӯзи 25 майи соли 2020 соати 8:00 дақиқа ҷаласаи фаврӣ доир намуда, хисороти расонидашуда ва барқарор намудани бозор мавриди баррасӣ қарор дода мешавад.

         Сухторе, ки дар  Бозори марказии ноҳия ба вуқӯъ пайваст, ин бештар ба расишҳои ноқилҳои барқи рабт дошта хушбахтона бар асари ҳодисаи мазкур ягон талафоти ҷони ба қайд гирифта нашудааст.

“Субҳи Шаҳритуз”