Вокуниш ба шабакаи «ISLOH.NET»

     Сокинони ноҳияи Шаҳритуз ба хабари шабакаи «ISLOH.NET» ҷавобан маълум менамояд, ки дар ҳақиқат санаи 24 майи соли 2020 дар бозори марказии ноҳияи Шаҳритуз сухтор ба амал омад. Худи ҳамон рўз сухтори баамаломадаро қисми мустақили 30-уми ҳарбикунонидашудаи хадамоти давлатии оташнишонии ноҳияи Шаҳритуз бо ҳамкасбони ноҳияҳои ҳамсоя  пурра хомўш намуданд.

      Санаи 25 майи соли 2020 бо ташаббуси мақомоти иҷроияи ҳокимияти давлатии ноҳияи Шаҳритуз бо тамоми соҳибкорони бозори марказӣ вохўрӣ ташкил карда шуд дар вохўрӣ намояндагони  мақомоти иҷроияи ҳокимияти давлатии вилояти Хатлон, Иттифоқи Тоҷикматлуботи ҷумҳурӣ, мақомотҳои ҳифзи ҳуқуқи вилоятӣ, ноҳиявӣ ва тамоми бонкҳои қарздиҳии ҳудуди ноҳия иштирок доштанд барои ҳарчи зудтар бартараф кардани камбудиҳо ва аз нав барқарор намудани бозори  маркази суҳбат намуданд. Дар вохўрӣ  бо соҳибкорон фикру ақидаҳои онҳоро ба инобат гирифта шуда соҳибкороне, ки аз бонкҳо қарздоранд ҳастанд барои фоизи қарзӣ ва мувақатан напардохтани андоз  чораҷўи карда шуд.

      Баъди 2-3 рўзи санҷишҳои мутахассисони мақомотҳои қудратӣ маълум гардид, ки сухтори баамаломада аз ҳисоби ноқилҳои барқӣ сар задаст.

       Айни  замон  корҳои   сохтмони  дар бозори  марказии ноҳияи Шаҳритуз  оғоз гардида дар муддати кўтоҳтарин сохтмони бозор ба охир расонидашуда, соҳибкорон бо ҷойи кори доимияшон таъмин карда мешаванд.

       Ҳамаи овозаҳое, ки дар расонаҳои хабарии шабакаи «ISLOH.NET», ки аз ҷониби Муҳмаммадиқболи Садриддин  пахш гардидааст, сокинони ноҳияи Шаҳритуз онро маҳкум карда чунин меҳисобад, ки   номбурда заррае ба нафъӣ давлат ва сокинонаш хизмат накардааст ва ба вазъи баамаломадаи имрўзаи Тоҷикистон саҳми худро нагузоштааст. Мо сокинони ноҳияи Шаҳритуз боварии комил дорем, ки ҷаноби Муҳаммадиқболи Садриддинро  касе бовар намекунад ва аз қафои он намераванд.           

  Сокинони ноҳияи Шаҳритуз