Маҷлисҳои сайёр ва баррасии санҷиши гуруҳи корӣ

Бо Амри раиси ноҳия №53 аз 20 апрели соли 2018 рӯзҳои баргузории маҷлиси сайёри раиси ноҳия дар ҷамоатҳои шаҳраку деҳоти ноҳия (аз 24 апрел то 1 май) тасдиқ шуда буд. Дар асоси амри мазкур аз ҳисоби масъулони ноҳия, кормандони бахшу шуъбаҳои мақомоти иҷроияи ҳокимияти давлатии ноҳия,роҳбарони иддае аз ташкилоту муассисаҳо  гуруҳи кории мақомоти иҷроияи ҳокимияти давлатии ноҳия таъсис ёфта, ҳайати он дар ин муддат бо вазъи иҷрои дурнамои кишти зироатҳои кишоварзӣ ҳосили соли 2018, назорати истифодаи замин, рафти корҳои саҳроӣ, парвариши пахта, ғалладонагиҳо, сабзавот, ҷамъоварии пиёзи  барвақтӣ дар ҷамоатҳои ноҳия  аз наздик ошно шуданд.

Аз ҷониби гуруҳи корӣ ба вазъи таълиму омӯзиш дар муассисаҳои таълимӣ,фаъолияти марказҳои саломатии деҳоту бунгоҳҳои тиббии ҳудуди ҷамаоатҳо, вазъи корҳои ободонию созандагӣ дар маҳалҳо низ таваҷчуҳи хоса зоҳир гардид.

Дар ҷамъбаст ҳайати  гуруҳи корӣ бо ширкат дар  маҷлиси сайёри раиси ноҳия дар ҳар як ҷамоат дар баробари зикри муваффақияту аз камбудиҳо низ ёдовар шуданд. Раиси ноҳия Р.Оймаҳмадзода зимни баргузории маҷлиси сайёр дар ҳар як ҷамоат аз масъулин доир ба самтҳои фаъолияташон пурсиш намуда, барои бартараф кардани норасоию камбудиҳои ҷойдошта дастуру супоришҳои қатъӣ  ироа кард.