Бетараф набошем

Рӯзи 16 май  дар Қасри фарҳанги ноҳия  кормандони  Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Хатлон  бо кормандони соҳаи тандурустии ноҳия вохӯрӣ доир намуданд. Дар назди иштирокчиёни мулоқоти мазкур сардори шуъбаи пешгирии коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Хатлон Ғаффорзода Искандар Муҳибулло ва нозири калони шуъбаи пешгирии коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Хатлон Олимзода Мансур баромад карданд. Онҳо зимни суханрониашон  аз фаъолияти  ниҳоди мазкур вобаста ба ҷой доштани фасоди молӣ ё худ даст задан ба коррупсия аз ҷониби масъулони сатҳи гуногун бахусус кормандони соҳаи тандурустӣ, оқибати ин амалҳои номатлуб ва зарарҳои ба давлату шаҳрвандон расонидаи иддае аз мансабдорону шаҳрвандони алоҳида сухан ронда, аз аҳли ҷомеа даъват ба амал овварданд, ки дар мубориза барои пешгирӣ аз коррупсия ва фасоди молӣ бетараф набошанд.

Дар чорабинии мазкур муовини раиси ноҳияи Шаҳритуз М.Раҷабзода иштирок намуд.