Таҷлили Рӯзи ҷавонони Тоҷикистон дар ноҳия

         Таҷлили имсолаи ҷавонон чун солҳои қаблӣ дар доираи Ҳафтаи ҷавонон  дар рӯзҳое қайд мегардад, ки мардуми шарифи кишварамон ба 27-умин солгарди Истиқлолияти давлатии Ҷумҳурии Тоҷикистон  ва  21-умин солгарди ҷашни Ваҳдати миллӣ ҳарҷониба  омодагӣ мегиранд.

          Соли ҷорӣ рӯзи 22 май дар боғи фарҳангию фароғатии маркази ноҳия бахшида ба Рӯзи ҷавонони Тоҷикистон  бо иштироки  роҳбарияти ноҳия,ҷавонон, аҳли ҷаматчигии ноҳия  чорабинии ботантана доир гардид.  Меҳмонон ва иштирокчиёни чорабинӣ нахуст бо   маҳсули дастони ҳунармандони ҳамаи ҷамоатҳои шаҳраку деҳоти ноҳия аз наздик шинос шуда, ба чорабиниҳои варзишию фарҳангии  ҷавонон ва мутасадиёни ҷашнвора таваҷҷуҳ зоҳир карданд.

           Сипас  дар назди иштирокчиёни ҳамоиш раиси ноҳияи Шаҳритуз Оймаҳмадзода Рамазон Алихон бо Паёми табрикӣ бахшида ба Рӯзи ҷавонони Тоҷикистон баромад кард. Ӯ зимни ироаи Паёми табрикӣ ҳамаи ҷавонони ноҳияро,ки ворисону арзандаи миллату давлати соҳибистиқлол ва насли ояндасози Ватани маҳбубамон  мебошанд, ба ифтихори Рӯзи ҷавонон табрик гуфта,  ба ҳар кадомашон иқболи баланд ва комёбиву сарбаландӣ орзу намуд.Ҳамзамон  изҳори қаноатмандӣ намуд, ки ҷавонони бонангу номус ва боиродаи ноҳия дар қатори дигар ҳамватанони худшиносу ватандӯстамон ҳамчун нерӯи созанда дар маъракаҳои муҳими давлативу ҷамъиятӣ фаъолона иштирок карда, дар корҳои ободонӣ ва бунёдкорӣ ҳиссаи сазовор мегузоранд.

            Раиси ноҳия дар фароварди Паёми табрикиаш бо камоли боварӣ иброз дошт, ки ҷавононои ватандӯсти ноҳия минбаъд низ бо ҳисси баланди худшиносиву худогоҳии миллӣ, зиракии сиёсӣ ва маърифати баланди ҳақуқӣ ҷиҳати пешрафти Ватани муқаддаси худ, густариши ваҳдати миллӣ, таъмини субботу оромӣ ва таҳкими истиқлолияти давлатӣ  аз худ ташаббусҳои созанда нишон дода, ҷиҳати боз ҳам мустаҳкам гардидани мақому манзалати Тоҷикистони соҳибистиқлол дар арсаи байналмилалӣ  саҳми арзандаашонро мегузоранд.

           Сипас мутахассиси шуъбаи рушди иҷтимоӣ ва робита бо ҷомеаи Дастгоҳи раиси ноҳия А.Саидраҳмонов Амри раиси ноҳияро «Дар бораи сарафроз гардонидани як гуруҳ ҷавонони ҷамаотҳои шаҳраку деҳоти ноҳияи Шаҳритуз бахшида ба таҷлили Рӯзи ҷавонон» қироат кард.  Раиси ноҳия гуруҳи ҷавонони ноҳия аз қабили Албина Мирзоқулова, Ҷомӣ Дӯстов,Аминҷон Нуралиев,Субҳоналӣ Саидраҳмонов, Парвона Зоҳидзода, Нурафшон Акрамзода, Собир Абдукаримов,Манучеҳри Анварӣ, Нилуфар Хидирова, Зуҳуршо Пирназаров ва Баҳриддин Ҷабборовро барои иштироки фаъолона дар корҳои ҷамъиятӣ ва ҳисси баланди худшиносииву худогоҳии миллӣ, зиракии сиёсӣ , маърифати баланди ҳуқуқӣ ва дигар амалҳои шоистаашон бо Ифтихорномаи раиси ноҳияву туҳфаҳои арзанда сарафроз гардонид.

              Дар  ҷамъбасти  Озмуни ноҳиявии    Намоиши ҳунарҳои мардумӣ  бахшида ба Соли рушди сайёҳӣ ва ҳунарҳои мардумӣ   ҷамоати деҳоти ба номи Х.Холматов ғолиб дониста шуда, аз  ҷониби мақомоти иҷроияи ҳокимияти давлатии ноҳия бо 500 сомонӣ сарфароз гардонида шуд. Ба маҳсули ҳунарҳои мардумии Ҷамоатҳои деҳоти  «Обшорон»ва ба номи Т.Садриддинов ҷойҳои дуюм ва сеюм  насиб гардида, ҷамоатҳои деҳоти мазкур соҳиби 200-300 сомонӣ мукофотпулӣ гардиданд.Раиси  ноҳия ба раисони ҷамоатҳои деҳоти ба номи Х.Холматов, деҳоти  «Обшорон»ва ба номи Т.Садриддинов У.Рисдавлатов, Л.Холова ва Х.Ҷӯрабоев дар вазъияти ботантана мукофотпулиҳоро  супорид.

            Дар охир ба иштирокчиёни чорабинӣ ҳунармандони Қасри фарҳанги ноҳия  ва ҷавонону наврасони соҳибистеъдоди ноҳия   барномаи идонаи консертӣ манзур намуданд.