Таҷлили Рузи Модар

         Санаи 6-уми марти соли 2019 дар толори Қасри фарҳанги ноҳияи Шаҳритуз  бахшида ба Рӯзи  модар - 8 март чорабинии сиёсиву фарҳанги  доир гардид. Дар тантанаи идона  раиси ноҳияи Шаҳритуз муҳтарам Оймаҳмадзода Р. Алихон, намояндаи Вазорати маориф ва илми  Ҷумҳурии Тоҷикиситон муҳтарам Шермуҳаммад, муовини раиси ноҳия  Раҷабзода Меҳринисо, инчунин мудирони шуъба ва бахшҳои мақомоти иҷроияи ҳокимияти давлатии ноҳияи, роҳбарони ташкилоту муассисаҳо ва занони фаъоли касбу кори гуногун  ширкат варзиданд. 

       Чорабиниро сараввал раиси ноҳияи Шаҳритуз Оймаҳмадзода Рамазон Алихон бо паёми  табрикотии худ оғоз намуда, иброз дошт, ки «Зан модар беҳтарину арзандатарин офаридаи Худованди муттаъол дар руи замин мебошад.  Бузургони мо беҳуда нагуфтаанд, ки:

         Ҷаннат, ки ризои мо дар он аст,

         Дар зери қудуми модарон аст.

           Сипас намояндаи Вазорати маориф  ва илми Ҷумҳурии Тоҷикистон барормад намуда ҷиҳати бузургии  зан  модар  суханронӣ намуд. 

        Дар рафти чорабини  ба 23 нафар занони фаъоли касбу кори гунони ноҳия  ифтихорнома ва туҳфаҳои мақомоти иҷроияи ҳокимиятии давлатии ноҳияи Шаҳритуз супорида шуд. Инчунини 53 нафар занони фаъоли ноҳия бо  сипоснома, ифтихорнома ва нишонҳои сарисинагии  Вазоратҳои маориф ва илм, кишоварзӣ, тандурусти, фарҳанг, молия, Кумитаи  давлатии сармоягузорӣ ва амволи давлатӣ, Агентии меҳнат, муҳоҷират ва шуғли аҳолии  Ҷумҳурии Тоҷикистон    сарфароз гардонида шуданд.

          Дар фарҷоми барнома  ҳунармандони  Қасри фарҳанги ноҳия бо барномаи  рангини ҳунарии худ табъи ҳозиринро болида гардониданд.   

“Субҳи Шаҳритуз”