Нишасти матбуотӣ

         Рӯзи 31 июл дар толори маҷлисгоҳи  мақомоти иҷроияи ҳокимияти давлатии ноҳияи Шаҳритуз  нишасти матбуотии кормандони Васоити ахбори оммаи ҷумҳурӣ бо раиси ноҳия  Ҷаббори Ғаффор   баргузор гардид.

      Нахуст раиси ноҳия ташрифи рӯзноманигоронро ба ноҳияи бостонии Шаҳритуз хайра мақдам гуфта, “Оиди натиҷаҳои рушди   иқтисодӣ ва иҷтимоии ноҳияи Шаҳритуз  дар  шашмоҳаи аввали соли 2019 ва вазифаҳо дар  семоҳаи сеюми соли 2019” ба таври фишурда маълумот ироа намуда, сипас ба саволҳи сершумори кормандони ВАО-и посух дод.

       Дар рафти нишасти матбуотӣ  аз ҷониби рӯзноманигорон –намояндагони рӯзномаю маҷаллаҳои  вилоятиву ҷумҳуриявӣ аз он ҷумла рӯзномаҳои “Садои мардум”, “Тоҷикистон”, “Бонувони Тоҷикистон”,,Хатлон”, “Дӯстлик”, “Азия плюс”,  “СССР” ва ғайра, инчунин шабакаҳои телевизионию радиоии мамлакат- журналистони радиои “Тоҷикистон”, радиову тедевизони Хатлон   оиди масъалаҳои иҷтимоӣ, иқтисодӣ, фарҳангӣ, маориф, тандурустӣ, кишоварзӣ  ва проблемаю камбудиҳои дар соҳаҳои мазкур ҷойдошта, инчунин рафти омодагии ноҳия  ба таҷлили ҷашни 30-солагии Истиқлолияти давлатии Ҷумҳурии Тоҷикистон саволу дархостҳо пешниҳод карда шуд. Раиси ноҳия ба саволҳо посухҳои мушаххас ироа карданд.

        Зимни нишасти матбуотӣ корманди муассисаи давлатии “Тоҷикфилм” дар вилояти Хатлон  Далер Шарипов фитаеро ба мақомоти иҷроияи ҳокимияти давлатии ноҳияи Шаҳритуз тақдим намуда,  иброз дошт, ки навори видеоии дар фитаи мазкур сабт шуда, аз дастовардҳои намоёни меҳнатие ҳикоят мекунад, ки заҳматкашони меҳанпарасти ноҳияи Кӯшониён дар якчанд соли охир таҳти роҳбарии оқилонаи собиқ раиси ноҳия Ҷаббори Ғаффор   ба даст овардаанду ҳаққонӣ аз онҳо ифтихор менамоянд. Ба андешаи мавсуф ошноӣ бо муҳтавои фитаи мазкур ба масъулони ноҳияи Шаҳритуз ибратбахш буда, баҳри вусъати корҳои ободонию бунёдкорӣ дар ноҳия мусоидат менамояд.

      Дар интиҳо  мудири  шуъбаи иттилооти мақомоти иҷроияи ҳокимияти давлатии вилояти Хатлон Баҳром Миров   нишасти матбуотиро ҳусни анҷом бахшида, ба роҳбарияти ноҳия барои ташкилу дар сатҳи зарурӣ баргузор кардани чорабинии мазкур изҳори сипос намуда, ба ҳамагон барору комёбиҳо орзу кард.