Саломатии миллат –боигарии давлат

      Рӯзи 18 август дар Қасри фарҳанги маркази  ноҳия бо иштироки масъулони мақомоти иҷроияи ҳокимияти давлатии ноҳияи Шаҳритуз, роҳбарони ташкилоту муассиссаҳо, роҳбарияти беморхонаи марказӣ, КАТС, МНДСЭ, кормандони соҳаи тандурустии  ноҳия ва марказҳои тиббии дар ноҳия фаъолият дошта, иди касбии кормандони соҳаи тандурустии ҷумҳурӣ  бо шукуҳ таҷлил гардид. Қабл аз чорабинии идона иштирокчиёни ҳамоиш  бо навгониҳою  таҷҳизоти муосири тиббии ба намоиш гузоштаи кормандони тибби ноҳия шинос шуданд.

         Дар ҷамъомади ботантана бахшида ба иди касбии ворисони Сино муовини раиси ноҳия Меҳринисо Раҷабзода бо Паёми шодбошӣ баромад карда, ҳамаи кормандони  тибби ноҳияро аз номи мақомоти иҷроияи ҳокимияти давлатии ноҳия самимона табрику таҳният гуфта, дар кори бошарафу заҳматталаби пешакардаашон  ба манфиати беҳбуду тансиҳатии аҳолӣ  ва ташаккули тарзи ҳаёти солим, иҷрои дастуру супоришҳои Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон барору комёбиҳо орзу намуд.

       Сипас  муовини раиси ноҳия дар асоси Амри раиси ноҳияи Шаҳритуз №201 аз 17 августи соли 2019 як зумра кормандону масъулони соҳаи тибби ноҳия  аз ҷумла Карим Қурбонназаров, Барно Бобомуродова, Баҳри Раҳматова, Абдухолиқ Чориев, Ҳусноро Бобоева, Тамара Ҷӯраева, Далер Имодовро барои хизмати софдилонаю кори пурсаҳсулашон дар соҳаи хизматрасонии тиббӣ ва иштироки фаъолонаашон дар корҳои ҷамъиятии ноҳия  бо Ифтихорномаю Сипосномаи раиси ноҳияи Шаҳритуз сарфароз гардонид. Ҳамзамон муовини раиси ноҳия ба фаъолони соҳаи тибби ноҳия аз қабили Абдусамад Содиқов,Эркин Дӯстматов, Зебо Мавлонова, Муҳаббат Абдураҳмонова, Хосият Ҷумъаева, Малика Худойбердиева, Юлдош Бегматов, Шаҳло Юсупова, Гулнисо Холматова, Мамадёқуб Иззатов, Барно Баротова, Норқузӣ Ибрагимов Ифтихорномаю туҳфаҳои хотиравии роҳбарияти Беморхонаи марказии ноҳия, КАТС, Маркази назорати давлатии санитарию эпидемиологии ноҳия  дар вазъияти ботантана супорид

         Дар охир кормандони Қасри фарҳанги ноҳия ба савту сурудҳои дилнишин  баромад намуда, табъу хотири иштирокчиёни тантанаро болида гардониданд.

«Субҳи Шаҳритуз»