Чорабинии варзишии наврасон аз руи намуди Карате- Киёкушинкай.

               Бо мақсади тарғиби тарзи ҳаёти солим ва баҳри дар амал татбиқ намудани  сиёсати  пешгирифтаи Асосгузори сулҳу ваҳдати миллӣ-Пешвои миллат, Президенти  Ҷумҳурии Тоҷикистон муҳтарам Эмомалӣ Раҳмон  санаи 18 августи  соли равон  бахшида ба 27-умин солгарди Истиқлолияти давлатии Ҷумҳурии Тоҷикистон дар майдончаи варзишии тоза ба истифода додашудаи боғи фарҳангӣ фароғатии  ноҳияи Шаҳритуз   бо ибтикори  бахши кор бо ҷавонон ва мактаби варзишӣ мусобиқаи кушоди  Ҷоми раиси ноҳияи Шаҳритуз  аз руи намуди Карате-Киёкушинкай бо иштироки варзишгарони шаҳри Душанбе 1, Душанбе 2, ноҳияҳои Ҷалолиддини Балхӣ, Қубодиён ва Шаҳритуз  байни наврасони аз  6-7 сола  то 16-17 сола   бо иштироки   50 нафар варзишгарон баргузор гардид.   

               Дар мусобиқа варзишгарони ноҳия  маҳорати  хуби варзишӣ нишон дода, аз миёни 5 дастаи шаҳру ноҳияиҳои зикргардида   бо гирифтани 8 ҷои аввал, 10  ҷои дуввум ва 13  ҷои севвум сазовори ҷои аввал  гардиданд.  Ғолибони мусобиқа  бо Ҷом, медал ва ифтихорномаҳо мушарраф гардонида шуданд.

                Қобили зикр аст, ки  имруз дастаи варзишгарони  риштаи карате-киёкушинкай-и ноҳияи Шаҳритуз   бо роҳбарии Пайрави Шоҳкор  мураббии даста на танҳо дар ноҳия  балки  дар сатҳи вилоят, ҷумҳурӣ ва ҳатто хориҷ аз кишвар низ маҳорат нишон дода,  8 нафар чемпиони  байналмиллалӣ, 15 нафар  ҷумҳуриявӣ ва зиёда аз  30 нафар чемпиони   вилоятӣ   гардидаанд.  

  Фарангиси Амрохон сармутахассиси бахши кор

   бо ҷавонон ва варзиши ноҳия