Activities calendar

          Рӯзи 6 августи соли ҷорӣ дар майдончаи варзишии нав ба истифода додашудаи боғи фарҳангию фароғатии ноҳия  раиси ноҳия Р. Оймаҳмадзода баромад карда,  аҳли ҷомеа ва бахусус иштирокчиёни  мусобиқаи варзишӣ аз намуди футболи  хурдро самимона табрику таҳният гуфта,  барои ба даст овардани  «Ҷоми раиси ноҳияи Шаҳритуз»  ба ҳамаашон барору комёбӣ орзу кард.

          5 августи соли ҷорӣ дар варзишгоҳи «Пахтакор»-и ноҳия  дар доираи Чемпионати Ҷумҳурии Тоҷикистон  дар Лигаи дуюм оид ба футбол байни дастаҳои футболи «Чашма»-и ноҳияи Шаҳритуз ва «Арал»-и ноҳияи Абдураҳмони Ҷомӣ  қувваозмоӣ сурат гирифт. Бозӣ аз ибтидо то интиҳо  тезу тунд  ва шавқовар идома ёфта, дар ҷамъбаст соҳибони майдон  бо ҳисоби 3:0 пирӯзӣ ба даст оварданд.

          3-юми августи соли ҷорӣ дар толори маҷлисгоҳи мақомоти иҷроияи ҳокимияти давлатии  ноҳияи Шаҳритуз нишасти матбуотии раиси ноҳия бо намояндагони ВАО-и  ҷумҳурӣ баргузор гардид. Дар чорабинии мазкур муовинҳои раиси ноҳия, роҳбари Дастгоҳи раиси ноҳия, масъулони бахшу шуъбаҳои мақомоти иҷроияи ҳокимияти давлатии  ноҳия, инчунин роҳбарони ташкилоту муассисаҳои ноҳия ширкат варзиданд.